Toshkent xalqaro aeroportida yiliga 120 ming tonna yuk tashish quvvatiga ega yangi yuk terminali quriladi. Hozirgi terminal 30 ming tonna sig‘imga ega, biroq 2024-yilda u ikki barobardan ko‘proq yuk va pochta jo‘natmalarini qabul qilishi kutilmoqda.
Toshkent xalqaro aeroportida oltinchi marta rasmiy spotting-tur o‘tkazildi. Unda O‘zbekistonning turli shaharlaridan, shuningdek, Rossiya, Qozog‘iston va Belarusdan 30 dan ortiq spotter qatnashdi. Foto.
O‘zbekiston aeroportlarining 21 nafar shifokor va qutqaruvchilar guruhi Belarusda aviatsiya tibbiyoti va avariya-qutqaruv va qidiruv-qutqaruv ishlari bo‘yicha treningda qatnashdi. Ular uchun o‘quv maydonlari va tibbiy simulyatsiya markazida mashg‘ulotlar tashkil etildi.
LOT Polish Airlines Polshadan O‘zbekistonga muntazam reyslarni yo‘lga qo‘ydi. Varshavadan ilk reys 14-mart kuni tongda Toshkentga yetib keldi. Parvozlar haftada 3 marta amalga oshiriladi. Uzbekistan Airports rahbari Javlonbek Umarxo‘jayev buni Yevropa bilan havo aloqalarini o‘rnatishda muhim qadam, deya atadi.
Toshkent xalqaro aeroportida terminalni kengaytirish ishlari sabab kuzatuvchilarning jo‘nab ketish zaliga kirishi cheklandi. Yo‘lovchilarni tushirish/olish uchun terminal oldida estakada o‘rnini bosuvchi alohida yo‘lak ajratildi. Estakada esa binoning bir qismiga aylanadi.
Hukumat 2017-yilda haydovchilik guvohnomasiga shaxsni tasdiqlovchi hujjat maqomini bergandi. Uzbekistan Airports mahalliy aeroportlarda mazkur guvohnomalar qachondan tan olina boshlanishi haqida izoh berarkan, hozirda idoralararo tasdiqlash ishlari yakunlanayotganini bildirdi.
O‘zbekiston xalqaro aeroportlarida yo‘lovchi tashish hajmi rekord darajaga — 10 millionni tashkil etdi. Yubiley yo‘lovchi Nukusdan Toshkentga kelgan Gulshad Najimatdinova bo‘ldi.
Uzbekistan Airways Farg‘ona aeroportida rekonstruksiya ishlari munosabati bilan bu shaharga deyarli 2 oy davomida barcha reyslar bekor qilinganini bildirdi. Uzbekistan Airports`ga ko‘ra, aeroport yopilmayapti va odatdagidek ishlamoqda. Boshqa hech bir aviakompaniya reyslar bo‘yicha o‘zgarishlar haqida xabar bermadi.
Tarmoqlarda Toshkent xalqaro aeroportida unutib qoldirgan yuklar 26 ming so‘mdan sotilayotgani haqida xabar tarqaldi. Uzbekistan Airports yolg‘on ma’lumotlarga ishonmaslikka va firibgarlarga pul o‘tkazmaslikka chaqirdi. Kompaniya yuklari sotilmasligi va uchinchi shaxslarga berilmasligi bildirdi.
Transport vaziri o‘rinbosari Jasurbek Choriyev Silk Avia`ning Uzbekistan Airways tarkibiga o‘tishiga izoh berar ekan, Uzbekistan Airports aviatsiya bilan shug‘ullanmasligi kerak bo‘lgani, buni barcha ekspertlar ta’kidlaganini aytdi. Avvalroq u hududiy aviatsiya ishga tushganini “uzoq kutilgan loyiha” deb atagandi.
Uzbekistan Airports Toshkentda aviaspotter bolalarning qo‘lga olinishi yuzasidan bayonot berdi. Kompaniya yosh avlodning spotting harakatini qo‘llab-quvvatlashini aytdi. Shahar IIBB hozircha holat yuzasidan bayonot bermadi. Hibsga olinganlarning aytishicha, ularga nisbatan munosabat yumshagan.
Toshkent xalqaro aeroportida kutib oluvchilar uchun kutish zali ochildi. Pavilonni bahorda qurib bitkazish rejalashtirilgandi, lekin boshlangan ish birdan to‘xtatilgan. Uzbekistan Airports kompaniyasi bu terminal kengaytirilgunga qadar vaqtinchalik yechim ekanini qayd etdi.
Prezident Uzbekistan Airports aksiyadorlik jamiyati tomonidan tashkil etilgan Silk Avia mintaqaviy aviakompaniyasining ustav kapitalidagi 100 foiz ulushini Uzbekistan Airways tarkibiga kiruvchi Uzbekistan Helicopters ustav kapitaliga o‘tkazish to‘g‘risidagi farmonni imzoladi.
Toshkent xalqaro aeroportida beshinchi rasmiy spotting-tur bo‘ldi. Unda O‘zbekistonning turli shaharlaridan, shuningdek, Rossiya, Qozog‘iston va Belarusdan 50 ga yaqin spotter qatnashdi. Foto.
Turkish Airlines kompaniyasining bortida 265 nafar yo‘lovchisi bo‘lgan Toshkent-Istanbul reysi texnik sabablarga ko‘ra avval kechiktirilib, so‘ng bekor qilindi. Yo‘lovchilarga issiq ovqat va mehmonxonaga joylashish taklif qilindi.
Turkish Airlines kompaniyasining bortida 265 nafar yo‘lovchisi bo‘lgan Toshkent-Istanbul reysi texnik sabablarga ko‘ra avval kechiktirilib, so‘ng bekor qilindi. Yo‘lovchilarga issiq ovqat va mehmonxonaga joylashish taklif qilindi.
Toshkent aeroportida taksi xizmati uchun joylar texnik shartlarga qo‘shimchalar va tushuntirishlar kiritilgani sababli qaytadan kimoshdi savdosiga qo‘yildi. Har uchala lot bo‘yicha savdolar 3-oktabr kuni E-auksion.uz saytida bo‘lib o‘tadi.
Namangan shahrida aeroportning rekonstruksiya qilingan uchib kelish terminali ochildi. Yo‘lovchilarga xizmat ko‘rsatish maydoni 720 kv. metrdan 1756 kv. metrga yetdi. O‘tkazuvchanlik esa 3 barobar oshdi. Jo‘nab ketish terminalini rekonstruksiya qilish sentabr oyida boshlanadi. Foto.
“Milliy elektr tarmoqlari” Toshkent xalqaro aeroporti tunda elektr ta’minotidan to‘liq uzilganini rad etib, 4 ta tarmoqdan faqat 3 tasida uzilish kuzatilganini ma’lum qildi. “MET” Uzbekistan Airports`ga 35 kVlik hamda zaxira tarmoqning ishchi holatini saqlash maqsadga muvofiqligini ham tushuntirdi.
Uzbekistan Airports raisi Ra’no Jo‘rayeva misolida davlat tashkiloti rahbarining ishdan bo‘shatilishi turli his-tuyg‘ularga sabab bo‘lishi juda kam uchraydigan holat. 2,5 yil ichida u o‘n yillar davomida kutilgan ko‘plab o‘zgarishlarni amalga oshirdi. “Gazeta.uz” uning ishdan bo‘shatilish sabablarini o‘rganishga urindi.
Qo‘shimcha imkoniyatlarga ega bulish uchun saytda ro‘yxatdan o‘ting